சப்பாத்திக்கு ஒருமுறை இந்த சால்னாவை செய்யுங்க..

கீழே சப்பாத்தி சால்னா ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள். 

தேவையான பொருட்கள்: 

* கசகசா - 1 டீஸ்பூன்

 * முந்திரி - 5-7

 * தேங்காய் - 2 பெரிய சில்லு

 (பொடியாக நறுக்கியது

சின்ன வெங்காயம் - 6 

* சோம்பு - 1 டீஸ்பூன்
தாளிப்பதற்கு.... 

* எண்ணெய் - 2 டேபிள் ஸ்பூன் 

* பிரியாணி இலை - 2 

* ஏலக்காய் - 2 

* பட்டை - 1 துண்டு 

* கிராம்பு - 4 

* சோம்பு - 1/2 டீஸ்பூன் 

* சீரகம் - 1/2 டீஸ்பூன்

 * பெரிய வெங்காயம் - 2 

(பொடியாக நறுக்கியது) 

* தக்காளி - 2 (பொடியாக நறுக்கியது)

 * உப்பு - சுவைக்கேற்ப 

* இஞ்சி பூண்டு பேஸ்ட் - 1 டீ1பூன் 

* புதினா - சிறிது

 * மஞ்சள் தூள் - 1/4 டீஸ்பூன் 

* மிளகாய் தூள் - 1 டீஸ்பூன் 

* மல்லித் தூள் - 1 டீஸ்பூன்

 * கரம் மசாலா - 1/2 டீஸ்பூன் 

* தண்ணீர் - தேவையான அளவு 

* கொத்தமல்லி - சிறிது 

செய்முறை: 

* முதலில் கசகசா மற்றும் முந்திரியை சுடுநீரில் 5 நிமிடம் ஊற வைக்க வேண்டும். 

* பின்னர் மிக்சர் ஜாரில் நறுக்கிய தேங்காய், சின்ன வெங்காயம், சோம்பு மற்றும் ஊற வைத்துள்ள கசகசா மற்றும் முந்திரியை சேர்த்து நன்கு மென்மையாக அரைத்து தனியாக வைத்துக் கொள்ள வேண்டும்.

 * பின்பு ஒரு குக்கரை அடுப்பில் வைத்து, அதில் எண்ணெய் ஊற்றி சூடானதும், பிரியாணி இலை, ஏலக்காய், பட்டை, கிராம்பு, சோம்பு, சீரகம் சேர்த்து தாளிக்க வேண்டும்.

 * பின் அதில் நறுக்கிய வெங்காயம், தக்காளியை சேர்த்து, தேவையான அளவு உப்பு சேர்த்து நன்கு தக்காளி மென்மையாகும் வரை வதக்க வேண்டும். 

* பிறகு அதில் இஞ்சி பூண்டு பேஸ்ட் சேர்த்து 1 நிமிடம் வதக்கி, பின் புதினாவை சேர்த்து வதக்க வேண்டும்.

 * பின்னர் அதில் மஞ்சள் தூள், மிளகாய் தூள், மல்லித் தூள், கரம் மசாலா சேர்த்து ஒரு நிமிடம் குறைவான தீயில் வைத்து கிளறி, அரைத்து வைத்துள்ள மசாலாவை சேர்த்து நன்கு 2 நிமிடம் வதக்க வேண்டும். 

* பின் சால்னாவிற்கு தேவையான அளவு நீரை ஊற்றி, குக்கரை மூடி 1 விசில் விட்டு இறக்கி, விசில் போனதும் குக்கரைத் திறந்து, கொத்தமல்லியைத் தூவி கிளறினால், சுவையான சப்பாத்தி சால்னா தயார்.